WALIOKUTWA NA MAYAI YA MBUNI WAHUKUMIWA KWENDA JELA MIAKA 25

Serengeti. Mahakama ya Hakimu Mkazi Mfawidhi Wilaya ya Serengeti imewahukumu kifungo cha miaka 25 washitakiwa wawili na gari lao kutaifishwa kwa kosa la kukutwa na mayai 16 ya mbuni yenye thamani ya zaidi ya Sh 42 milioni.

Waliokumbwa na adhabu hiyo ni Marwa Matiko(32) na Julius Marwa (42) wakazi Tarime mjini.

Akitoa hukumu leo Ijumaa katika kesi ya uhujumu uchumi namba 128/2016 hakimu wa mahakama hiyo, Ismael Ngaile amesema kila mshitakiwa atahukumiwa kifungo cha miaka 25 jela na gari lao kutaifishwa liuzwe.

Mapema mwendesha mashitaka wa Jamhuri, Emmanuel Zumba ameiambia Mahakama kuwa, washitakiwa hao walikamatwa Desemba 7, 2016 wakiwa kwenye nyumba ya kulala wageni Serengeti wakiwa na mayai 16 ya mbuni yenye thamani ya zaidi ya Sh 42 milioni kinyume cha sheria.

Amesema mayai hayo walikuwa wameyaficha ndani ya gari lao.

Amesema washitakiwa wakidai kuwa walikuwa wanapeleka nchini Kenya kwa ajili ya kuuza kwa watu wanaotengeneza dawa ya ukimwi.

Wasiliana Nasi Simu/WhatsApp +255 753 336 000 au +255 625 917 902

Masengwa blog Ipo Play Store…Download HAPA ,Uwe unapata habari zote kwa urahisi zaidi