JE NI UCHAWI? NYUKI WAVAMIA BASI NA KUUA DEREVA, ABIRIA WAJERUHIWA

Picha hii ya maktaba haina uhusiano na tukio la Lindi

Dereva wa gari ya abiria mali ya kampuni ya AJ SAFARI linalofanya safari zake kutoka wilayani Liwale Mkoani Lindi kuelekea mkoani Dar es Salaam, amefariki dunia mara baada ya gari hilo kuvamiwa na kundi la nyuki katika eneo la Mbuyuni kata Njinjo wilayani Kilwa mkoani Lindi.

Akithibitisha kupokea majeruhi 22 wa tukio hilo Muuguzi na Mkunga wa kituo cha afya cha Njinjo Albert Filbert amesema walipokea mwili wa dereva huyo aliyejulikana kwa jina la Ally Kalanje.

Wakizungumza na Mashujaa FM, baadhi ya mashuhuda wa ajali hiyo akiwemo kondakta wa gari hiyo Said Chikonda , wameeleza kuwa, tukio hilo limetokea wakati walipokuwa kwenye matengenezo ya gari hilo.

Ghafla kundi la nyuki wakavamia gari na kuzua taharuki kwa abiria takribani 46 waliokuwemo kwenye basi na kuanza kukimbia kutafuta msaada.

Chanzo;Mashujaa Fm

Wasiliana Nasi Simu/WhatsApp +255 753 336 000 au +255 625 917 902

Masengwa blog Ipo Play Store…Download HAPA ,Uwe unapata habari zote kwa urahisi zaidi