KESI YA WEMA SEPETU KUTAJWA TENA MARCH 15, BAADA YA UPELELEZI KUTOKUKAMILIKA

MAHAKAMA ya Hakimu Mkazi Kisutu, jijini Dar es Salaam imeahirisha kesi ya msanii wa filamu maarufu nchini, Wema Sepetu hadi Machi 15, mwaka huu kutokana na upelelezi kutokamilika.

Wema ambaye ni Miss Tanzania 2006, anakabiliwa na kosa la kukutwa na bangi katika upekuzi uliofanywa na polisi nyumbani kwake Februari 4, mwaka huu maeneo ya Ununio jijini Dar es Salaam.

Kesi hiyo ilikuja leo kwa ajili ya kutajwa ambapo Wakili wa Serikali Nasoro Katuga alidai upelelezi wa shauri hilo bado haujakamilika hivyo Hakimu Mkazi Thomas Simba aliahirisha shauri hilo hadi Machi 15.

Msanii huyo alifikishwa mahakamani hapo kwa mara ya kwanza Februari 9, mwaka huu ambapo aliachiwa baada ya kupata dhamana ya Sh milioni tano.

Wasiliana Nasi Simu/WhatsApp +255 753 336 000 au +255 625 917 902

Masengwa blog Ipo Play Store…Download HAPA ,Uwe unapata habari zote kwa urahisi zaidi