Lowasa asema njia ya Ikulu 2020 nyeupe
Kahama. Mjumbe wa Kamati Kuu ya Chadema, Edward Lowassa amesema njia ni nyeupe kwa Chadema kuingia Ikulu katika uchaguzi ujao wa mwaka 2020.
“Kuweni watulivu na mwaka 2020 mjitokeze kupiga kura na kama nitakuwa hai nitakuwa mgombea tena wa urais kupitia muungano wa vyama vya upinzani,” alisema.
Akizungumza nyumbani kwa kada wa Chadema, James Lembeli katika kijiji cha Mseki, Kahama, Lowassa (pichani) alisema ameshindwa kuzungumza na kufanya mkutano na wananchi wa kijiji hicho akihofia kukamatwa na polisi kama alivyokamatwa Geita na kuwataka wawe wavumilivu hadi uchaguzi wa mwaka 2020.
Kadhalika, Lowassa aliwataka vijana wasikubali kuibiwa kura kwa madai uchaguzi uliopita hawakutendewa haki na ndio maana walikosa ushindi.
Masengwa blog Ipo Play Store…Download HAPA ,Uwe unapata habari zote kwa urahisi zaidi
.jpeg)
